“ဝိုင်းမော်မြို့နယ်က စစ်ကောင်စီတပ်စခန်း ၁၀ ခု KIA သိမ်းပိုက်... တွန်းဇံက...

“ဝိုင်းမော်မြို့နယ်က စစ်ကောင်စီတပ်စခန်း ၁၀ ခု KIA သိမ်းပိုက်... တွန်းဇံကို ချင်းတော်လှန်ရေးတပ်တွေက သိမ်းဖို့ပြင်နေ... နောက်ဆုံးရ တိုက်ပွဲသတင်းများ”

ကချင်ပြည်နယ် ဝိုင်းမော်မြို့နယ်ရှိ စစ်ကောင်စီတပ်စခန်း ၁၀ ခုခန့်ကို KIA နဲ့ မဟာမိတ်တွေက တနေ့က သိမ်းပိုက်လိုက်တယ်လို့ KIA ပြောခွင့်ရက BNN ကိုပြောပါတယ်။ မနေ့ကတော့ ရွှေညောင်ပင်ရှိ ခမရ ၃၂၁ တပ်ရင်ဝန်းကျင်မှာ တိုက်ပွဲဖြစ်နေတယ်လို့ KIA ပြောခွင့်ရ ဗိုလ်မှူးကြီးနော်ဘူက ပြောပါတယ်။

ဒေသတွင်းမီဒီယာဖြစ်တဲ့ KNG- Kachin News Group ကတော့ ခမရ ၃၂၁ တခုသာကျန်တော့တဲ့အတွက် တိုက်ပွဲဟာ ဝိုင်းမော်မြို့ထဲဖက်ကို ဦးတည်လာနေပြီ၊ မနေ့ကဆိုရင် ဝိုင်းမော်မြို့ပြင်က ခပ်ချိုကျေးရွာလမ်းခွဲအထိ တိုက်ပွဲဖြစ်နေတယ်လို့ ဖေါ်ပြပါတယ်။

စစ်ကောင်စီဖက်ကတော့ ဝိုင်းမော်မကျစေရေးအတွက် မြောက်ပိုင်းတိုင်းစစ်ဌာနချုပ်၊ မြစ်ကြီးနားကနေ လက်နက်ကြီးနဲ့ပစ်တာ၊ လေယာဉ်နဲ့ဗုံးကြဲတာ ဆက်တိုက်လုပ်နေတယ်လို့ ဖေါ်ပြထားပါတယ်။

ဒါ့အပြင်...

- တွန်းဇံမြို့ကို လက်မလွတ်ချင်တဲ့ စစ်ကောင်စီက ရဟတ်ယာဉ် ၃ စင်းနဲ့ စစ်ကူထပ်ပို့၊ ချင်းတော်လှန်ရေးတပ်တွေက ထိုးစစ်ဆင်နေ...

- ဘူးသီးတောင်မြို့နယ်မှာ AA - အာရက္ခတပ်တော်က  အရပ်သားတွေထိခိုက်အောင် တိုက်ခိုက်တယ်၊ နအိမ်မီးရှို့မှုတွေလုပ်နေတယ်ဆိုတဲ့စွပ်စွဲချက်တွေဟာ သတင်းအမှားတွေသာဖြစ်ပြီး အဲဒီလိုစွပ်စွဲချက်တွေကို ကန့်ကွက်တယ်လို့ ရခိုင်အမျိုးသားအဖွဲ့ချုပ် ULA က သတင်း ထုတ်ပြန်...

- တောင်ငူမြိုနယ်၊ ဝက်ခေါက်စိန်ရွာ စာသင်ကျောင်းမှာ တပ်စွဲထားတဲ့ စစ်တပ်စခန်းကို တော်လှန်ရေးတပ်တွေက ဝင်တိုက်တဲ့အတွက် စစ်သားတွေထွက်ပြေးသွားပြီး ခဲယမ်းအချို့ိ သိမ်းမိ...

- စလင်းမြိုနယ်၊ လင်းဇင်းတိုက်နယ် ရဲစခန်းကို တော်လှန်ရေးတပ်တွေက ဝင်ရောက်တိုက်ခိုက်စဉ် စစ်ကောင်စီဖက် ၁၀ ခန့်အထိ ထိခိုက်-သေဆုံးနိုင်တယ်လို့ဆို...

- ဂန့်ဂေါ မြို့နယ်၊ ခရိုင် ရဲစခန်းက ရဲတပ်သားတဦး လက်နက်ငယ် ကျည်တွေနဲ့အတူ တော်လှန်ရေးတပ်တွေထံ အလင်းဝင်လာတယ်လို့ (FRF-Gangaw) က သတင်းထုတ်ပြန်...

... စတဲ့ သတင်းတွေကို စုစည်းတင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)

Read More

“ကျီခါးမြို့မှာ စစ်ကောင်စီ ကင်းစင်ပြီ - တွန်းဇံမြို့ကိုဆက်သိမ်းဖို့ဆောင်...

“ကျီခါးမြို့မှာ စစ်ကောင်စီ ကင်းစင်ပြီ - တွန်းဇံမြို့ကို

ဆက်သိမ်းဖို့ဆောင်ရွက်နေပါတယ်”

- ဆလိုင်းထက်နီ (ပြောခွင့်ရပုဂ္ဂိုလ် - ချင်းအမျိုးသားတပ်ဦး - CNF/ CNA)

“ချင်းပြည်နယ်၊ တွန်းဇံမြို့နယ်ရှိ ကျီခါးမြို့ကို

ချင်းတော်လှန်ရေးတပ်တွေက ဒီမနက် ဝင်ရောက်သိမ်းပိုက်လိုက်ပြီး စစ်ကောင်စီ

ကင်းစင်နယ်မြေဖြစ်သွားပြီ၊ တွန်းဇံမြိုရှိ စစ်တပ်စခန်းနဲ့

ရဲစခန်းတွေကိုလည်းသိမ်းပြီးဖြစ်တယ်၊ ဒါပေမယ့် လုံးဝင် ကင်းစင်အောင်

လုပ်စရာနည်းနည်း ကျန်နေသေးတယ်” လို့ ချင်းအမျိုးသားတပ်ဦး (CNF/ CNA)

ပြောခွင့်ရ ဆလိုင်းထက်နီ ကပြောပါတယ်။

ကျီခါးမြို့ကို ဒီနေ့သိမ်းလိုက်တဲ့အခြေအနေ၊ ချင်းပြည်နယ်မှာ

စစ်ကောင်စီကင်းစင်ဖို့ နီးလာပြီလား... စသဖြင့် BNN သတင်းဌာနက

ဦးထက်အောင်ကျော် မေးမြန်းစဉ် သူက အဲဒီလို ဖြေကြားခဲ့တာပါ။

အခု ထုတ်လွှင့်မယ့်မေးမြန်းချက်ထဲမှာ...

- ကျီခါးနဲ့ တွန်းဇံရဲ့ နောက်ဆုံးအခြေအနေ...

- ချင်းပြည်နယ်မှာ စစ်ကောင်စီ ကင်းစင်ဖို့ နီးလာပြီလား...

- မြို့သိမ်းတိုက်ပွဲတွ ဆက်တိုက်လာဖို့ရှိသလား...

... စတဲ့ အကြောင်းအရာတွေကို ဆွေးနွေးတင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)

Read More

“ဘူးသီးတောင်မြို့ရှိ စစ်တပ်စခန်းအားလုံး AA သိမ်းပိုက်... NUG ဒု-ကာ-ဝန် ...

“ဘူးသီးတောင်မြို့ရှိ စစ်တပ်စခန်းအားလုံး AA သိမ်းပိုက်...  NUG ဒု-ကာ-ဝန် တောင်ပိုင်းဒေသသို့ ကွင်းဆင်းစစ်ဆေး... နောက်ဆုံးရ တိုက်ပွဲသတင်းများ”

(၁၉ - ၅ -၂၀၂၄)

ရခိုင်ပြည်နယ်၊ ဘူးသီးတောင်မြို့ရှိ ဘူးသီးတောင်ဗျူဟာ (စကခ ၁၅ ဌာနချုပ်) အပါအဝင် ဗျူဟာလက်အောက်ခံတပ်ရင်းတွေ၊ အမြောက်တပ်နဲ့ ထောက်ပို့တပ်ရင်းအားလုံးကို AA- အာရက္ခတပ်တော်က မေလ (၁၈) ရက်၊ မွန်းတည့် (၁၂) နာရီအချိန်မှာ တစ်ခုမကျန်သိမ်းပိုက်လိုက်ပြီဖြစ်တယ်လို့ AA က သတင်းထုတ်ပြန်ပါတယ်။

ဘူးသီးတောင်မှာ နောက်ဆုံးကျန်နေတဲ့ အမတ (အမြောက်တပ်) (၃၇၈)၊ ခမရ (၂၃၄)၊ ခမရ (၃၄၅)၊ ခမရ (၃၅၂) တပ်ရင်း ၄ ခုအပါဝင် လက်နက်ကြီးတပ်၊ ထောက်ပို့တပ်ရင်းနဲ့ GE စစ်မြေပြင် အင်ဂျင်နီယာတပ်တွေကိုပါ တခုမကျန် သိမ်းလိုက်တာလို့ ဆိုပါတယ်။

အခြားတပ်ရင်းတွေဖြစ်တဲ့ ခမရ (၃၅၃) ၊ ခမရ (၅၃၅) ၊ ခလရ (၂၆၃) နှင့် ခလရ (၂၃၃) တပ်ရင်း (၄) ရင်းကို မေလ ၁၄ ရက်၊ နခခ (၃) နဲ့ နခခ (၈)တို့ကို မေလ ၁၃ ရက်မှာ သိမ်းပိုက်ထားပြီးဖြစ်ပါတယ်။

ထွက်ပြေးနေတဲ့ စစ်ကောင်စီတပ်သားတွေကို လိုက်လံရှင်းလင်း ပိတ်ဆို့တိုက်ခိုက်နေတဲ့အတွက် ဘူးသီးတောင်မြို့ပတ်ဝန်းကျင်မှာ တိုက်ပွဲ ဆက်လက်ဖြစ်နေတယ်လို့ဆိုပါတယ်။ ဘူသီးတောင်ဟာ AA က သိမ်းပိုက်တဲ့ ၁၀ ခုမြောက်မြို့ဖြစ်တယ်လို့ သတင်းမှတ်တမ်းတွေမှာ ဖေါ်ပြထားပါတယ်။

ဒါ့အပြင်...

- TNLA၊ တပ်မဟာ(၂) စစ်ဒေသ၊ နောင်ချိုမြို့နယ်ရှိ သုံးဆယ်ကျေးရွာကို စစ်ကောင်စီတပ်က လက်နက်ကြီးတွေနဲ့ ထပ်မံပစ်ခတ်တဲ့အတွက် အရပ်သား ၇ ဦး ဒဏ်ရာရ...

- ဝိုင်းမော်မြို့နယ်ရှိ စစ်ကောင်စီတပ်စခန်း ၅ ခုကို KIA ကချင်လွတ်လပ်ရေးတပ်နဲ့ မဟာမိတ်တွေက သိမ်းပိုက်...

- မြိုင်မြို့ပေါ်ရှိ မီးသတ်ရုံးနီး တပ်စွဲထားတဲ့ စစ်ကောင်စီစခန်းကို တော်လှန်ရေးတပ်တွေက ဝင်ရောက်တိုက်ခိုက်တယ်လို့ Black Leopard Army က သတင်းထုတ်ပြန်...

- ရေဦးမြို့နယ်၊ အမှတ်(၇)ဆေးတပ်က စစ်ကောင်စီ တပ်သားတဦး လက်နက်ငယ်တလက်နဲ့အတူ အလင်းဝင်လာတဲ့အတွက် ငွေကျပ် သိန်း (၅၀) ချီးမြှင့်...

- ဘုတ်ပြင်မြို့နယ်၊ ပြည်ကြီးမဏ္ဍိုင်ရဲစခန်းနဲ့ လေညာတံတားစစ်ဆေးရေးဂိတ်ကို တော်လှန်ရေးတပ်တွေက ဒရုန်းနဲ့ဗုံးကြဲတိုက်ခိုက်...

- NUG - ကာကွယ်ရေးဝန်ကြီးဌာန၊ ဒုတိယဝန်ကြီး နိုင်ကောင်းရွတ် တောင်ပိုင်းစစ်ဒေသ၊ စစ်ဒေသခွဲ (၃) ရှိ ပြည်သူ့ကာကွယ်ရေးတပ်မတော် (PDF)၊ စစ်ကြောင်းတွေကို သွားရောက်စစ်ဆေး...

... စတဲ့ သတင်းတွေကို စုစည်းတင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)

Read More

“ထားဝယ် စကခ (၈) ဌာနချုပ်ကို PDF တွေ တိုက်ခိုက်... မံစီက စစ်တပ်စခန်းတွေကိ...

“ထားဝယ်က စကခ (၈) ဌာနချုပ်ကို PDF တွေ တိုက်ခိုက်... မံစီက စစ်တပ်စခန်းတွေကို KIA တိုက်ခိုက်...နောက်ဆုံးရ တိုက်ပွဲသတင်းများ”

(၁၈- ၅ -၂၀၂၄)

ထားဝယ်မြို့အရှေ့ဖက် သပြေချောင်းရွာမှာ အခြေစိုက်တဲ့ စကခ- စစ်ဆင်ရေးကွပ်ကဲမှုဌာနချုပ် အမှတ်(၈) ကို တော်လှန်ရေးတပ်တွေက ဒရုန်းနဲ့တိုက်ခိုက်တဲ့အတွက် စစ်ရဟတ်ယာဉ်နဲ့ စစ်အရာရှိတွေ ထိခိုက်မှုရှိနိုင်တယ်လို့ PDF စစ်ရုံးချုပ်က သတင်းထုတ်ပြန်ပါတယ်။

မေလ (၁၆) ရက်၊ မနက် ၁၁ နာရီခန့်မှာ ဗုံးသီး ၈ လုံးကို ဒရုန်းနဲ့ကြဲချခဲ့တာဖြစ်ပြီး စစ်အရာရှိတွေ စုဝေးတဲ့နေရာနဲ့ MI-2 ရဟတ်ယာဉ် (၂)စီး ရပ်ထားတဲ့နေရာကို တိုက်ခိုက်ခဲ့တာလို့ ဆိုပါတယ်။

အဲလို ပစ်ခံရပြီးနောက်မှာ စစ်တပ်ဖက်က (၁၂၀)မမ နဲ့ အနီးအနားရှိ ကျေးရွာတွေကို ရမ်းသမ်းပစ်ခတ်တဲ့အပြင် စစ်ရဟတ်ယာဉ်တစီးကလည်း စက်သေနတ်နဲ့ တုန့်ပြန် ပစ်ခတ်ခဲ့တယ်လို့ ဖေါ်ပြပါတယ်။

ဒီစစ်ဆင်ရေးမှာ ပါဝင်တဲ့တော်လှန်ရေးတပ်တွေကတော့ ဒေါနစစ်ကြောင်း တပ်ခွဲ(၄) KBDF Drone တပ်ဖွဲ့၊ ထားဝယ်ခရိုင် အမှတ်(၁)တပ်ရင်းက Sky Ghost Drone Force၊ ထားဝယ်ခရိုင်အမှတ်(၂)တပ်ရင်းက T5 Wing၊ ထားဝယ် ပြည်သူ့လွတ်မြောက်ရေးတပ် TPLF Drone တပ်ဖွဲ့၊ YAF Drone တပ်ဖွဲ့တို့ဖြစ်တယ်လို့ ထုတ်ပြန်ချက်မျာ ဖေါ်ပြထားပါတယ်။

ဒါ့အပြင်...

- မံစီမြို့ရှိ ခ.မ.ရ (၃၁၉) နဲ့ (၆၀၁) တပ်စခန်းတွေကို KIA ကချင်လွတ်လပ်ရေးတပ်နဲ့ မဟာမိတ်တွေက ထိုးစစ်ဆင် တိုက်ခိုက်...

- ပခုက္ကူမြို့နယ်နဲ့ ရေစကြိုမြို့နယ်အစပ်ကို စစ်ကြောင်းထိုးလာတဲ့ စစ်ကောင်စီတပ်ကို တော်လှန်ရေးတပ်တွေက ကြားဖြတ်တိုက်တဲ့အတွက် စစ်ကောင်စီဖက်က အကျအဆုံးများပြီး လက်နက် ၉  လက်ရရှိ...

- PDF အမှတ် (၁) စစ်ဒေသ၊ မကွေးတိုင်းကွပ်ကဲရေးရုံးက ဦးစီးကျင်းပတဲ့ NCO အကြပ်သင်တန်း အပတ်စဉ် (၂) သင်တန်းဆင်းပွဲကို မေလ (၁၄) ရက်နေ့က ကျင်းပ...

- အလယ်ပိုင်းတိုင်း စစ်ဌာနချုပ်၊ (ကရင်နီစစ်ဒေသ) အမှတ် (၁၁၀၈) တပ်ရင်း၊ ဖားဆောင်း PDF  ရဲ့ အပတ်စဉ် (၁၀) အခြေခံ စစ်သင်တန်းဆင်းပွဲတခု မေလ ၁၆ ရက်က ဖားဆောင်းမှာ ကျင်းပ...

... စတဲ့ သတင်းတွေကို စုစည်းတင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)

Read More

“တနိုင်းမြို့နယ်က စစ်တပ်စခန်း KIA သိမ်းပိုက်... အောင်ဇေယျစစ်ကြောင်း ဆက်လ...

“တနိုင်းမြို့နယ်က စစ်တပ်စခန်း KIA သိမ်းပိုက်... အောင်ဇေယျစစ်ကြောင်း ဆက်လက်တိုက်ခိုက်ခံနေရ... နောက်ဆုံးရ တိုက်ပွဲသတင်းများ”

(၁၇- ၅- ၂၀၂၄)

ကချင်ပြည်နယ်၊ တနိုင်းမြို့နယ်ရှိ စစ်ကောင်စီတပ်စခန်း နမ်ခမ်-နမ်ဗျို ကို မနေ့က အပြီး သိမ်းလိုက်ပြီဖြစ်တယ်လို့ KIA ပြောခွင့်ရက BNN ကိုပြောပါတယ်။ မေ ၁၃ မှာ စတင်ထိုးစစ်ဆင်ပြီး မေ ၁၆ ရက်၊ မနက် ၇ နာရီလောက်မှာ သိမ်းနိုင်ခဲ့တာဖြစ်တယ်လို့ KIA ပြောခွင့်ရဗိုလ်မှူးကြီးနော်ဘူက ပြောပါတယ်။

စစ်ကောင်စီဖက်က လက်နက်ကြီးတွေ၊ လေကြောင်းပစ်ကူတွေနဲ့ ခုခံနေတဲ့ကြားက အခုလို သိမ်းလိုက်နင်တာဖြစ်ပါတယ်။

ဒေသတွင်းမီဒီယာ The 74 Media ရဲ့ဖေါ်ပြချက်အရ အဲဒီစခန်းမှာ ခ.လ.ရ (၂၉၇) နဲ့ (၂၆၀) က ထုတ်နုတ်အင်အား ၆၀ ခန့် စခန်းထိုင်နေတယ်လို့ သိရပါတယ်။ KIA နဲ့ မဟာမိတ်တွေက စခန်းရှင်းလင်းရေးလုပ်နေပြီး လက်နက်တွေသိမ်းမိတယ်လို့ ဖေါ်ပြပါတယ်။

 

တနိုင်းမြို့နဲ့ မိုင် ၂၀ ခန့်အကွာမှာရှိတဲ့ နမ်ခမ်-နမ်ဗျိူ စခန်းကို  ၂၀၁၇ မှာ စစ်ကောင်စီက သိမ်းပြီး အခု KIA က ပြန်သိမ်းနိုင်တာလည်းဖြစ်ပါတယ်။ တချိန်တည်းမှာပဲ မိုးမောက်-မံစီနဲ့ ဗန်းဗော်ဖက်မှာလည်း တိုက်ပွဲတွေ ပြင်းထန်နေဆဲလို့ ဒေသတွင်းမီဒီယတွေမှာ ဖေါ်ပြထားပါတယ်။

ဒါ့အပြင်...

- ကော့ကရိတ်ဖက်ကနေ မြဝတီသို့စစ်ကူသွားရန် ကြိုးစားနေဆဲဖြစ်တဲ့ အောင်ဇေယျ စစ်ကြောင်းကို တော်လှန်ရေးတပ်တွေက ဒရုန်းနဲ့တိုက်ခိုက်တဲ့အတွက် စစ်သား ၆ ဦးသေဆုံးပြီး Faw ကား ၂ စီး ပျက်စီးတယ်လို့ ကျားဖြူစစ်ကြောင်းက သတင်းထုတ်ပြန်...

- မေ ၁ ရက်ကနေ ၁၅ ရက်အတွင်း KNLA ကရင့်အမျိုးသားလွတ်မြောက်ရေးတပ်မတော် အမှတ် ၅ တပ်မဟာဒေသမှာ တိုက်ပွဲပေါင်း (၄၆) ကြိမ်ဖြစ်ပွားပြီး စစ်ကောင်စီဖက်က (၁၇) ဦးသေ၊ (၇)ဦး ထိခိုက်ဒဏ်ရာရတယ်လို့ မူတြော် သတင်းစဉ်က ဖေါ်ပြ...

- ပြီးခဲ့တဲ့ ဧပြီလအတွင်း စစ်ကောင်စီနဲ့ ရင်ဆိုင်တိုက်ပွဲ အကြိမ် ၇၀ ကျော်ဖြစ်ပွားပြီး စစ်ကောင်စီဖက်က (၄၃၀) ဦးသေဆုံး၊ (၂၄၁) ဦးဒဏ်ရာရ၊ လက်နက်ချအညံ့ခံသူ (၅၇) ဦးကို သုံ့ပန်းအဖြင့် အရှင်ဖမ်းမိတယ်လို့ PDF တောင်ပိုင်းတိုင်းစစ်ဒေသက သတင်းထုတ်ပြန်...

- သရက်ချောင်းမြိုနယ်က ကနက်သီရိရွာကို စစ်ကောင်စီရေတပ်နဲ့ လေတပ်က ဆက်တိုက် ဗုံးကြဲတိုက်ခိုက်နေ...

- KIA- ကချင်လွတ်လပ်ရေးတပ်မတော် စစ်ဦးစီးချုပ်နဲ့ ပြည်သူ့ကာကွယ်ရေးတပ်မတော်၊ PDF အမှတ်(၁) စစ်ဒေသမှူး၊ ဒုတိယဗိုလ်ချုပ်ကြီး R ခေါင်လွမ်းရဲ့ ဈာပနာ့အခမ်းအနား လိုင်ဇာဌာနချုပ်မှာပြုလုပ်...

... စတဲ့ သတင်းတွေကို စုစည်းတင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)

Read More

“ပြည်ထောင်စုလမ်းမကြီးပေါ်က ဗျုဟာမြောက်စခန်းတွေကို သိမ်းနိုင်တဲ့အဆင့်ထိ ရ...

“ပြည်ထောင်စုလမ်းမကြီးပေါ်က ဗျုဟာမြောက်စခန်းတွေကို သိမ်းနိုင်တဲ့အဆင့်ထိ ရောက်လာပြီ”

- ရဲဘော်ဂျူပီတာ (ဒုစစ်ဒေသခွဲမှူး - အမှတ် ၃ စစ်ဒေသခွဲ)

(၁၆- ၅- ၂၀၂၄)

“လွန်ခဲ့တဲ့ ၃ နှစ်ကလို တောထဲမှာ စစ်သင်တန်းတက်၊ နယ်စပ်က ကင်းစခန်းကို ပြောက်ကြားပစ်တဲ့အဆင့်မဟုတ်တော့ဘူး။ ပြည်ထောင်စုလမ်းမကြီးပေါ်က ဗျုဟာမြောက်စခန်းတွေကို သိမ်းနိုင်တဲ့အဆင့်အထိရောက်လာပြီ၊ ပြည်ထောင်စုလမ်းမကြီးပေါ်မှာ တော်လှန်ရေးတပ်တွေ သွားလာနိုင်နေပြီဖြစ်တယ်” လို့ PDF တောင်ပိုင်းစစ်ဒေသ၊ အမှတ် ၃ စစ်ဒေသခွဲရဲ့ ဒုတိယ စစ်ဒေသခွဲမှူး ရဲဘော်ဂျူပီတာက ပြောပါတယ်။

ပြီးခဲ့တဲ့ရက်ပိုင်းအတွင်းက ထားဝယ်-မြိတ် ပြည်ထောင်စုလမ်းမကြီးပေါ်ရှိ ပဲဒက်စခန်းကို PDF နဲ့ ERO ပူးပေါင်းတပ်တွေက သိမ်းပိုက်လိုက်တဲ့အခြေအနေနဲ့ပတ်သက်ပြီး BNN သတင်းဌာနက ဦးထက်အောင်ကျော် မေးမြန်းစဉ် သူက အဲဒီလို ဖြေကြားတာပါ။

အခု ထုတ်လွှင့်မယ့်မေးမြန်းချက်ထဲမှာ...

- ပဲဒက်စခန်းက ဗျုဟာအရ ဘယ်လိုအရေးပါသလဲ...

- နယ်စပ်ဒေသက စခန်းတွေ၊ ပြည်ထောင်စုလမ်းမကြီးပေါ်က စခန်းတွေကို ဘယ်လို ဟန်ချက်ညီ သိမ်းပိုက်နေသလဲ...

- တနသာင်္ရီတိုင်းအတွင်း PDF နဲ့ ERO တွေကြား ပူးပေါင်းဆောင်ရွက်နိုင်မှု ဘယ်လောက်အထိ အားကောင်းနေပြီလဲ...

- တနသာင်္ရီတိုင်းက ပြည်သူတွေအတွက် PDF တောင်ပိုင်းစစ်ဒေသရဲ့ သတင်းစကားက ဘာလဲ...

... စတဲ့ အကြောင်းအရာတွေကို ဆွေးနွေးတင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)

Read More